“Maqam – kórkem ónerdiń gúltajı” 🎶
11.04.2025 Поделиться📍Qaraqalpaqstan medicina institutında búgin 11-aprel kúni umıtılmas mádeniy ilaj – “Maqam – kórkem ónerdiń gúltajı” atamasında koncert tamashası bolıp ótti! 🏛
Ilajdı institut rektorı w.w.a Olimbay Xalimov ashıp berdi.
Bul koncertte milliy muzıka kórkem óneriniń biytákirar úlgisi – maqam kórkem óneri joqarı dárejede kórsetildi. Ózbek milliy maqam kórkem óneri orayı Qaraqalpaqstan Respublikası aymaqlıq bólimi tárepinen atqarılǵan nama-qosıqlar, janlı atqarıw hám tákirarlanbas shıǵıwlar student-jaslarda úlken tásir qaldırdı. Atap aytqanda, “Xiywa gózzalı,” “Tani maqom buzruk,” “Aydınlar” sonday-aq, “Poppuri” qosıqları studentlerdiń júreginen orın aldı. 🎤🎻🎵
Ilajdıń tiykarǵı maqseti – jas áwladqa milliy miyrasımızdı súyiw, maqam kórkem óneriniń joqarı kórkem hám ruwxıy qádiriyatların úgit-násiyatlawdan ibarat boldı.
Maqom – bul júregimiz sesti, xalqımızdıń ruwxıy dúnyası. Bul kórkem óner túrin qásterlep saqlaw hám keleshek áwladqa jetkeriw – bárshemizdiń muqaddes minnetimiz.






