Qurallı Kúshler veteranları hám taraw qánigeleri menen ushırasıw shólkemlestirildi

11.01.2025

👁 9 marta ko‘rilgan

Qaraqalpaqstan medicina institutında 14-yanvar – Watan qorǵawshıları kúni hám Ózbekstan Respublikası Qurallı Kúshleri dúzilgeniniń 33 jıllıq bayram múnásibeti menen áskeriy taraw veteranları hám xızmet etip atırǵan qánigeler menen «Jańa Ózbekstan armiyası – mámleket tayanıshı, xalqımız maqtanıshı» atamasında ushırasıw bolıp ótti.

Ushırasıwdı Institut rektorı w.w.a Olimboy Xalimov ashıp berdi. Bayram sánesi múnásibeti menen Qurallı kúshlerimizdiń 33 jıllıǵı menen taraw xızmetkerlerin hám jıynalıs qatnasıwshıların qutlıqladı.

Ushırasıwda, Awǵan urıs qatnasıwshıları, veteranlar ózleriniń miynet jolların, tınıshlıqtıń qádirin kóz-qarashıǵınday asıraw hám Ana watanǵa sadıq perzent bolıp onıń rawajı ushın xızmet etiwge shaqırdı.

Sońınan, taraw qánigeleri mámleketimiz Qurallı Kúshleriniń dúzilgenligi, sońǵı jıllarda jáne de rawajlandırıw, onıń jawıngerlik tayarlıǵın jetilistiriw, materiallıq-texnikalıq bazasın bekkemlew, xalıqaralıq abıroyın arttırıw baǵdarında ámelge asırılıp atırǵan jumıslar, tarawdaǵı reformalardıń nátiyjeliligi haqqında maǵlıwmatlar berdi.

Ilaj barısında, Instituttıń ziyrek hám talantlı studentleri ózleriniń Ana watanǵa arnalǵan qosıqların milliy saz ásbaplarda hám kórkemlep oqıw arqalı jetkerdı. Sonday-aq, áskeriy taraw xızmetkerleri menen «Zakovat» intellektual oyınları shólkemlestirildi.

Sońınan, bayram múnásibeti menen taraw pidayılarına hám birge islesiwlerdegi belsendiligi ushın Institut tárepinen tayarlanǵan Minnedratshılıq jarlıǵı hám sawǵalar tapsırıldı.

PHP Code Snippets Powered By : XYZScripts.com