Jańalıqlar

Jawızlıqqa qarsı – aǵartıwshılıq penen gúresemiz!

12.09.2025

👁 2 marta ko‘rilgan

Qaraqalpaqstan medicina institutında student-jaslar sanasında ruwxıy immunitetti bekkemlew, olardı hár qıylı zıyanlı ideya hám jat tásirlerden qorǵaw maqsetinde keń kólemli ashıq sáwbet shólkemlestirildi.

🔹 Ilajda Din isleri boyınsha komitettiń Qaraqalpaqstan Respublikası aymaqlıq basqarmasınıń bas qánigesi N. Jamalov, institut basshıları, professor-oqıtıwshılar hám student-jaslar belsene qatnastı.

🔹 Sóylesiw dawamında búgingi globallasıw sharayatında jaslardı ekstremizm hám radikalizm tásirinen saqlawda aǵartıwshılıqtıń ornı, insan qádiri hám huqıqlarınıń ústinligi, jaslardıń sanasın unamlı ideyalar menen bayıtıw máseleleri keń túrde dodalandı.

🎤 Shıǵıp sóylegen institut rektorı másláhátshisi A.Allaniyazov, birinshi prorektor Z.Aleuov hámde kafedra oqıtıwshısı T.Pirniyazova jaslardı keńpeyillik, miyrim-shápáát, milliy hám ulıwma insanıylıq qádiriyatlardı tereń ańlawǵa shaqıratuǵın tásirsheń bayanatlar menen qatnastı.

️🤝 Studentler ózlerin qızıqtırǵan sorawlardı qánigelerge jollap, hár tárepleme juwap aldı. Sóylesiw qızǵın, ashıq hám jıllı ruwxta ótip, barlıq qatnasıwshılarda tereń tásir qaldırdı.

📌 Bul ilaj jaslarımızda huqıqıy mádeniyattı arttırıw, ruwxıy dúnyaqarasın keńeytiw hám eń áhmiyetlisi – jawızlıqqa qarsı tek ǵana aǵartıwshılıq penen gúresiw múmkin ekenligin jáne bir márte atap ótti.

PHP Code Snippets Powered By : XYZScripts.com