Qaraqalpaqstan Medicina Institutında lektor koncerti shólkemlestirildi

26.02.2025

👁 8 marta ko‘rilgan

Qaraqalpaqstan medicina institutında milliy saz ásbaplar birlestirilgen ájayıp lektor koncerti ótkerildi. Búgingi shólkemlestirilgen lektor koncerti ózine tán bolıp, ilim hám kórkem ónerdiń únlesligin kórsetti. Ilajda Ózbekstan mámleketlik konservatoriyası Nókis filialınıń student hám oqıtıwshılarınan dúzilgen topar ózleriniń sheberliklerin inám etti.

Ilajdı QMI rektorı w.w.a. Olimbay Xalimov ashıp berdi hám qatnasıwshılardı qutlıqladı. Ol, bunday ilajlardıń ilimiy hám mádeniy rawajlanıw ushın áhmiyetin atap ótti hám studentlerge ilimde hám dóretiwshiliklerde jetiskenlikler tiledi.

Koncerttiń maqseti, medicina tarawında islep atırǵan jas qánigeler hám studentler ushın dem alıw hám dóretiwshilik ruwxın qáliplestiriw, olar arasında kórkem ónerge bolǵan qızıǵıwshılıqtı arttırıw bolıp tabıladı. Lektor koncerti dawamında muzıka, poeziya hám basqa da kórkem óner túrleri óz-ara úylesimli túrde kórsetildi.

Ilajda bunday koncertlerdiń studentlerge tek ǵana ilim tarawında emes, al turmısta da tabıslarǵa erisiwde úlken járdem beretuǵını, kórkem óner hám ilim bir-birin tolıqtıratuǵın hám rawajlandıratuǵın kúsh ekeni atap ótildi.

Qaraqalpaqstan medicina institutında ótkerilgen bul lektorlıq koncert, ilimiy jumıstıń ózine tán hám dóretiwshilik táreplerin ashıp berip, studentler ushın jańa imkaniyatlar jarattı.

PHP Code Snippets Powered By : XYZScripts.com