Jańalıqlar

“Ilim juldızları” tańlawında múnásip qatnasıw!

11.10.2025

👁 2 marta ko‘rilgan

2025-jıl 11-oktyabr kúni Ózbekstan hayal-qızlar “Ilimpaz hayal-qızlar” associaciyası tárepinen qábiletli, ilimge qushtar hám pidayı hayal-qızlardı qollap-quwatlaw maqsetinde shólkemlestirilgen “Ilim juldızları” intellektuallıq tańlawınıń Qaraqalpaqstan Respublikası basqıshı bolıp ótti.

🏅 Bul tańlawda Qaraqalpaqstan medicina institutınıń jas izleniwshisi, magistrant Andırbaeva Gawhar belsene qatnastı hám óziniń ilimiy bilim hám pikirlewi menen tóreshiler quramın tań qaldırdı.

✅ Tańlaw nátiyjesine bola, ol Qaraqalpaqstan Respublikası Ministrler Keńesi Baslıǵınıń orınbasarı, Shańaraq hám hayal-qızlar komiteti tárepinen “Eń ziyrek hám tapqır qatnasıwshı” nominaciyasına ılayıq dep tabıldı.

🔬 Bul jetiskenlik – jas ilimpaz qızımızdıń ilimge sadıqlıǵı hám umtılısınıń ayqın kórinisi.

🎓 Andirbaeva Gawhardı shın júrekten qutlıqlaymız! Ilim jolında kúsh-ǵayrat penen háreket etip, jáne de joqarı shıńlarǵa jetiwińizdi tileymiz! ✨

PHP Code Snippets Powered By : XYZScripts.com