Fotogalereya,Jańalıqlar

QMIda “Antikorrupciya bilimdanı” tańlawı bolıp ótti

06.12.2025

👁 8 marta ko‘rilgan

“9-dekabr – Xalıqaralıq korrupciyaǵa qarsı gúresiw kúni” múnásibeti menen Qaraqalpaqstan medicina institutında 15-noyabrden 15-dekabrge shekem “Korrupciyaǵa qarsı gúresiw aylıǵı” sheńberindegi ilajlarǵa start berildi.

Aylıq sheńberinde jaslar arasında korrupciyaǵa qarsı ayawsız múnásibetti qáliplestiriw, hadallıq, ashıq-aydınlıq hám ádillik principlerin úgit-násiyatlawǵa qaratılǵan bir qatar aǵartıwshılıq ilajlar shólkemlestirildi. Atap aytqanda “Jaslar korrupciyaǵa joq deydi” Eń jaqsı súwret, “Korrupciyadan jıraq bilimlendiriw mákemesi” Eń jaqsı videorolik hám Eń jaqsı shıǵarma tańlawıları bolıp ótti.

Kúni keshe, 5-dekabr sánesinde “Antikorrupciya bilimdanı” bilimler tańlawı ótkerildi. Tańlawda 1-Medicina fakultetiniń Vincere, Femida, Adolat, 2-Medicina fakultetiniń Adolat sadosi, Yuksalish, Adolat ittifoqi komandaları qatnasıp, saxna mádeniyatı, huqıqıy bilim hám aktyorlıq sheberligi boyınsha bellesti.

Tańlaw 3 shárt tiykarında bahalandı:

🧊 Komandanı tanıstırıw;

🧊 soraw-juwap;

🧊 saxnalastırılǵan kompoziciya.

🏆 Tańlaw juwmaǵına muwapıq:

🥇 1-orın — “Femida” toparı (1-medicina fakulteti)

🥈 2-orın — “Adolat ittifoqi” toparı (2-medicina fakulteti)

🥉 3-orın — “Adolat” toparı (1-medicina fakulteti)

🎁 Jeńimpaz komandalar institut hám ministrlik buyrıqları tiykarında bir mártelik xoshametlewshi Vaucherler menen sıylıqlanadı.

Bul tańlaw jaslardıń sanasında korrupciyaǵa qarsı qatań poziciyanı qáliplestiriw, huqıqıy sawatlılıqtı arttırıw hám hadal jámiyet qurıwǵa xızmet etedi.

PHP Code Snippets Powered By : XYZScripts.com