Xalıqaralıq medicina forumında áhmiyetli qatnasıw
06.09.2025 Поделиться
Buxara qalasında ullı ilimpaz Abu Ali ibn Sino tuwılǵanınıń 1045 jıllıǵı hám Buxara mámleketlik medicina institutınıń 35 jıllıǵı múnásibeti menen xalıqaralıq medicina forumı bolıp ótti.
🔹 Usı abıraylı ilajda Qaraqalpaqstan medicina institutı rektorı, professor Olimbay Xalimov qatnastı.
📌 Forum dawamında rektor O.Xalimov:
- Abu Ali ibn Sino tuwılǵanınıń 1045 jıllıǵı hám Buxara mámleketlik medicina institutı shólkemlestirilgeniniń 35 jıllıǵı menen qızǵın qutlıqladı;
- Ilaj zamanagóy medicinanıń áhmiyetli mashqalaların dodalaw hám jańa sheshimlerdi izlewde áhmiyetli platforma ekenin atap ótti.
🏅 Sonday-aq, forum sheńberinde rektor “Buxara mámleketlik medicina institutı Húrmetli professorı” ataǵı menen sıylıqlandı.
Jıynalıslarda shet el hám respublikamızdıń medicina hám farmacevtika joqarı oqıw orınlarınıń rektorları:
- studentlerdiń ámeliy kónlikpelerin arttırıw,
- professor-oqıtıwshılardıń qánigeligin arttırıw,
- klinikalıq bazalarda bilimlendiriw sapasın jaqsılaw,
- qospa baǵdarlamalar islep shıǵıw hám tájiriybe almasıw máselelerinde kelisimlerge eristi.
Bul forum joqarı oqıw orınları arasında ilimiy birge islesiw hám tájiriybe almasıwdı jáne de kúsheytiwge xızmet etedi.
