ҚМИда “Ректор ҳәм жаслар” ушырасыўы болып өтти
24.12.2024 Поделиться
Бүгин, 24-декабрь сәнесинде, Қарақалпақстан медицина институтында “Ректор ҳәм жаслар” ушырасыўы болып өтти. Онда ректор, медицина илимлериниң докторы, профессор Орал Атаниязова институттың илим билим алыў жолында оқып атырған жоқары курс студент-жаслары менен ушырасты.
Бул ушырасыўдың тийкарғы мақсети жас әўладты илимге тартыў, олардың өз үстинде излениўлерин бағдарлаў, билим алыўда жол-жоба көрсетиў ҳәм өз тараўында кәсиплик пидайлығын асырыў болып есапланады.
Ушырасыў даўамында ректор тараўдағы жаңалықлар, илим дүньясының терең сырлары, өзиниң басып өткен өмир жолы, жетискенлиги ҳәм нәтийжелерге алып келген мийнетлери, сондай-ақ, қыйыншылықлар ҳәм оларды жеңип өтиў жоллары ҳаққында толық айтып берди.
Жасларда бул өмирлик сабақлар үлкен қызығыўшылық оятып, оларға жаңа идеялар берди. Ушырасыўда жаслар өзлериниң қызықтырған сораўларын берди ҳәм жуўаплар алды.
Илаж соңында жаслар ректорға өз миннетдаршылықларын билдирди ҳәм олар алдағы режелери менен бөлисти.
Ушырасыўда, жыл даўамында оқыўда жәмийетлик жумысларда белсене қатнасқан, халықаралық олимпиадаларда сыйлы орынларды алған, мәмлекетлик атақлы стипендиатларға ҳүрмет жарлықларды тапсырды.
