Jańalıqlar

14-yanvar – Watan qorǵawshıları kúni

14.01.2026

👁 4 marta ko‘rilgan

🎖 Ózbekstan Respublikası Qurallı Kúshleri dúzilgeniniń 34 jıllıǵı

Húrmetli Watan qorǵawshıları, áziz ustazlar hám student-jaslar!

Sizlerdi 14-yanvar – Watan qorǵawshıları kúni hám Ózbekstan Respublikası Qurallı Kúshleri dúzilgeniniń 34 jıllıǵı múnásibeti menen Qaraqalpaqstan medicina institutı jámááti atınan qızǵın qutlıqlaymız.

Elimiz tınıshlıǵı, xalqımızdıń tatıwlıǵı hám mámleketimiz ǵárezsizligin támiyinlewde tek ǵana áskerler emes, al áskeriy medicina tarawında pidákerlik penen miynet etip atırǵan shıpakerler, feldsherler, miyirbiykeler hám medicina xızmetkerleriniń úlesi sheksiz. Olar hár qanday sharayatta insan ómirin saqlap qalıw, áskeriy xızmetkerlerdiń densawlıǵın qorǵaw jolında juwapkershilikli hám abıraylı xızmetti ámelge asırıp kelmekte.

Áskeriy medicina – bul tek ǵana kásip emes, al joqarı mártlik, sabır-taqat hám Watanǵa sadıqlıq úlgisi bolıp esaplanadı. Bul tarawda jumıs alıp barıp atırǵan medicina xızmetkerleri óz bilim hám tájiriybeleri menen jas áwlad ushın haqıyqıy ibrat mektebin jaratpaqta.

Usı qutlı kúnde bársheńizge bekkem densawlıq, shańaraqlıq baxıt, tınısh hám abadan turmıs, kásiplik jumısıńızda úlken jetiskenlikler hám abıraylı xızmetińizde tabıslar tileymiz.

Watanımız aspanı bárqulla ashıq, turmısımız tınısh hám turaqlı bolsın!

🎉 Bayramıńız múbárek bolsın!

Qaraqalpaqstan medicina institutı jámááti

▪️ 🕊Telegram📱Instagram📱Facebook📺YouTube

PHP Code Snippets Powered By : XYZScripts.com