“Ózbekstan – keńpeyil diyar” súreni astında milletleraralıq tatıwlıq festivalı QMIda ótkerildi
25.11.2025 ПоделитьсяBúgin Qaraqalpaqstan medicina institutında milletleraralıq tatıwlıq hám awızbirshilikke baǵıshlanǵan keń kólemli ruwxıy-aǵartıwshılıq ilaj bolıp ótti. Onda Qazaq, Koreys hám Túrkmen milliy mádeniy oraylarınıń wákilleri, Ruwxıylıq hám aǵartıwshılıq orayı Qaraqalpaqstan bóliminiń juwapkerleri, professor-oqıtıwshılar, tyutorlar hám student-jaslar qatnastı.
🎙 Ilajdı institut rektorı Olimbay Xalimov ashıp berip, elimizde jaratılǵan kóp milletli tatıwlıq ortalıǵınıń jaslarda tınıshlıqtı súyiwshilik, miyrim-shápáát hám óz-ara húrmet qádiriyatların qáliplestiriwdegi ornın ayrıqsha atap ótti.
Festival dawamında:
• túrli millet hám xalıq wákilleriniń muzikalı shıǵıwları,
• milliy úrp-ádetler, kiyim-kenshekler kórgizbesi,
• fakultet studentleriniń doslıq hám bir shańaraqtay jasaw ortalıǵı qáliplesti.
Ilaj sońında institut tárepinen qazaq, túrkmen hám koreys millet wákillerine birge islesiw hám belsene qatnasqanı ushın minnetdarshılıq jarlıqları tapsırıldı.
✨ Bunday baslamalar student-jaslar qálbinde keńpeyillik, awızbirshilik, ózlikti ańlaw hám jurt tınıshlıǵın qádirlew sezimlerin bekkemlewde úlken áhmiyetke iye.









