Qaraqalpaqstan medicina institutında 3 magistrdiń dissertaciya jumısları ótkerildi
20.01.2025 Поделиться
Qaraqalpaqstan medicina institutında magistrlik basqıshı studentleri tárepinen ilimiy dissertaciyalardıń qorǵaw jumısları tabıslı ámelge asırılmaqta. Bul process magistrlerdiń ilimiy-dóretiwshilik dárejesin arttırıw, izertlew nátiyjelerin ámeliyatqa engiziw imkaniyatların keńeytiw hám ilimiy qatnaslardı jáne de jetilistiriwge qaratılǵan.
Qorǵaw dawamında magistrantlar, A.Satullaeva “Aralboyı aymaǵında jasawshı balalarda temir jetispewshiligi kemqanlıǵınıń awırlıǵın bahalawda klinik hám laboratoriya kórsetkishleri”, N.Sobirova “Aral boyı balalarında gelmintozlarda bioximiyalıq kórsetkishlerdiń ózgeriw ózgeshelikleri” hám O.Modolimova “Orol bo’yi hududida yashovchi reproduktiv yoshdagi ayollarda toksik tugunli buqoqning kechish hususiyatlari va laboratoriya tahlillari” atamasında dissertaciya jumısın ilimiy izleniwleriniń nátiyjelerin arnawlı komissiya aldında usındı.
Prezentaciyalarda ilimiy izertlewlerdiń áhmiyetliligi, ámeliyattaǵı áhmiyeti, izertlew nátiyjeleriniń keleshektegi perspektivaları haqqında tolıq maǵlıwmat berildi.
Magistrantlar ilimiy basshılar hám ekspertlerdiń sorawlarına juwap berip, izertlewleriniń ilimiy tárepleri boyınsha keń dodalawlarda qatnastı. Qorǵaw procesinde hár bir magistranttıń jumısları arnawlı komissiya tárepinen bahalanıp, ilimiy-analitikalıq qatnaslar, medicina tarawındaǵı ideyalar hám jańalıqlardı usınıw boyınsha bahalı usınıslar berildi.
Bul process magistrlerdiń ilimiy potencialın kórsetiw, olarǵa dóretiwshilik hám ilimiy-izertlew jumıslarında tereń kózqaras qáliplestiriwge xızmet etedi.
