Bilim alıwda joqarı dárejedegi shárayatqa iye Institut!!!
03.12.2024 Поделиться
Usı jıldıń 26-noyabr kúni Tashkent qalasında medicina joqarı oqıw orınlarınıń studentleri arasında “Medicina sheberleri” IV Xalıqaralıq olimpiadası bolıp ótti. QMI studentleri alǵan bilimlerin xalıqaralıq olimpiada da joqarı kórsetkishlerde kórsete aldı. Yaǵnıy bul olimpiada da instituttıń 8 studenti qatnasıp, 7 student joqarı nátiyjelerge eristi. (https://t.me/www_kkmi_uz/4135)
Bunday nátiyjelerdi anıq mısallar menen elede keltirip ótemiz.
Samarqand wálayatında IV xalıqaralıq olimpiada institutıń 11 studenti qatnasıp 10 studenti sıylıqlandı. (https://t.me/QResMinistrlerKenesi/29643)
Buxarada “Abu Ali ibn Sino táliymatınan – Úshinshi Renesansǵa shekem” IV Xalıqaralıq olimpiadasında 40 qa jaqın medicina joqarı oqıw orınları qatnastı. Instituttan 10 student (https://t.me/www_kkmi_uz/2541) qatnasıp barlıǵıda sıylıqlandı (https://t.me/QResMinistrlerKenesi/30471).
Bunday joqarı nátiyjeler institutta kóp. Joqarıdaǵılar álbette oflayn formatta qatnasqan olimpiadalar, onlayn qatnasqan (https://t.me/www_kkmi_uz/2939) xalıqaralıq olimpiadalar haqqında mısallardı kóplep keltiriwge boladı.
Quwanıshlısı nátiyjelerdiń barlıǵıda Qaraqalpaqstan medicina institutınıń sońǵı jıllarda bilimlendiriwde anaǵurlım joqarı dárejege jetkenligin kóriwge boladı.
Bárshemizge belgili, “ustaz-shákirt” dástúri – jaslarda kásiplik sheberligin, ruwxıy dúnyasın, iskerligin, izleniwsheńligin, óz ústinde miynet etiw, bir sóz benen aytqanda hár tárepleme jetik hám tájiriybeli kadr bolıp qáliplesiwinde úlken tárbiyalıq áhmiyetke iye. Bunday dástúrdiń islep turǵanlıǵına joqarıdaǵı maǵlıwmatlar ayqın mısal.
Studentlerimizdiń bunday jetiskenlikke erisiwinde, álbette Institut rektorı Oral Ataniyazovanıń, rektorat aǵzalarınıń, professor-oqıtıwshılar hám ilimge qushtar student jaslardıń miynetleri joqarı.
Qaraqalpaqstan medicina institutı Baspasóz xatkeri