Keselliklerdiń aldın alıw hám emlewde kompleksli qatnasıq áhmiyetli
12.02.2025 Поделиться✅ Búgin Qaraqalpaqstan medicina institutında “Birlemshi medicinalıq-sanitariya sistemasında endokrin kesellikler profilaktikası, olardı erte anıqlaw hám emlewde multidissiplinarlıq jantasıw” atamasında ilimiy-ámeliy konferenciya bolıp ótti.
📌 Onda QR Densawlıqtı saqlaw ministri M.Qurbanov hám Respublikalıq qánigelestirilgen endokrinologiya ilimiy-ámeliy medicina orayınıń direktorı A.Alimov, Qaraqalpaqstan medicina institutı rektorı O.Halimov shıǵıp sóylep, kesellikler profilaktikası birlemshi sistemada jolǵa qoyılıwı hám bunda túrli baǵdardaǵı shıpakerlerdiń birge islesiwi áhmiyetli ekenligin atap ótti.
✅ Ilajda endokrinologiya tarawındaǵı jetekshi qánigeler, terapevtlar, dietologlar hám densawlıqtı saqlaw sisteması wákilleri instituttıń Klinik ordinatorlar hám joqarı kurs studentleri qatnastı. Endokrin keselliklerge qarsı gúresiwdiń zamanagóy mashqalaları hám nátiyjeli usılların dodaladı.
️Keselliklerdi erte anıqlaw, xalıqtı skriningten ótkeriw – olardı óz waqtında emlew hám asqınıwlardıń aldın alıwdıń eń jaqsı usılı ekeni atap ótildi.






