Kafedrada ruwxıylıq-aǵartıwshılıq jumısları
Ózbekstan Respublikası Prezidenti tárepinen alǵa qoyılǵan jaslardıń ruwxıy dúnyasın rawajlandırıw hám olardıń bos waqtın mazmunlı shólkemlestiriw boyınsha 5 baslama tiykarında alıp barılǵan jumıslar kafedra hám institut kóleminde ótkerilgen ilajlarǵa kafedra assistentleri menen birgelikte qatnasıldı.
1. 2024-jıl 7-sentyabr kúni «Birinshi kurs mektebi» sheńberinde 1-kurs talabalarına instituttı hám oqıw proccesin tanıstırıw boyınsha institut kóleminde Seminar-trening sabaǵı kafedra oqıtıwshıları tárepinen ótkerildi.
2. 21-oktyabr – ózbek tiline mámleketlik til biyligi berilgen kún. Ózbek tili bayramı múnásibeti menen institut talabaları qatnasıwında “Ózbek tili – qálbim dilmashı”, “Ana tilim – maqtanıshım” temalarında shayır hám jazıwshılardıń kitaplarınıń prezentaciyası ótkerildi hám professor-oqıtıwshılardıń bayanatları tıńlandı.
3. 1-dekabr – Qaraqalpaqstan Respublikasınıń “Mámleketlik til haqqında”ǵı Nızam qabıl etilgenine 35 jıl tolıwı múnásibeti menen institutta “Mártebeń bálent bolsın ana tilim” atamasında bayram keshesi bolıp ótti. Student-jaslar tárepinen monologlar, ullı shayır hám jazıwshılarımızdıń ana tilimizge baǵıshlap dóretken shıǵarmalarınan úzindiler, sazlı namalar menen qatnastı.
4. 8-mart – xalıq aralıq hayal-qızlar kúni múnásibeti menen 7-mart kúni institutta miynet etip kiyatırǵan barlıq hayal-qızlarǵa húrmet kórsetilip, olarǵa bayram sawǵaları tapsırıldı.
5. 21-mart – Nawrız bayramı múnásibeti menen institutta 19-mart kúni Nawrız bayramına baǵıshlanǵan bayram seyili hám koncert baǵdarlaması shólkemlestirildi.
6. Kafedra oqıtıwshıları hám institut talabaları menen birge Nókis qalasındaǵı teatr hám muzeylerge sayaxatlar shólkemlestirildi.
7. Jasıl mákan akciyası sheńberinde kafedra oqıtıwshıları tárepinen institut átirapına gúller egildi.
