Xalıq aralıq birge islesiw
AKADEMIYALIQ MOBILLIK BAǴDARLAMASI SHEŃBERINDE
Qaraqalpaqstan medicina institutı professor-oqıtıwshılarınıń qánigeligin arttırıw, sırt el joqarı oqıw orınları menen xalıqaralıq hám birge islesiw baylanısların ornatıw, akademiyalıq beyimlesiw, tájiriybe almasıw maqsetinde S.J.Asfendiyarov atındaǵı QMU menen birgelikte keń kólemli jumıslar ámelge asırılmaqta.
S.J.Asfendiyarov atındaǵı Qazaq milliy medicina universiteti Ximiya kafedrası hám Qaraqalpaqstan medicina institutı Medicinalıq ximiya kafedrası tárepinen shólkemlestirilgen akademiyalıq mobillik baǵdarlaması sheńberinde 2025-jıl 02-16-aprel kúnleri QMI Medicinalıq ximiya kafedrası docenti, x.i.k. Meldebekova Saule Undashevna QMUdıń “Ulıwma medicina hám pediatriya” qánigeliginde oqıp atırǵan 1-kurs studentleri ushın ximiya páninen sabaq ótti.
https://news.kaznmu.edu.kz/kaz/академиялық-ұтқырлық-бағдарламасы-а/
Qaraqalpaqstan medicina institutı delegaciyası Túrkiyada
Rektor basshılıǵındaǵı Qaraqalpaqstan medicina institutı delegaciyası Stambul qalasındaǵı Medicina ilimleri universitetinde boldı.
Delegaciya aǵzaları universitet rektorı, professor Kamaletdin Aydin menen ushırastı.
Sóylesiwler dawamında keń kólemli máseleler dodalandı. Turaqlı túrde joqarı mamanlıqtaǵı operaciyalardı ámelge asırıw ushın Túrkiya universitetiniń professorların KMI Klinikasına tartıwǵa ayrıqsha itibar qaratıldı.
Qaraqalpaqstan medicina institutı professor-oqıtıwshıları akademiyalıq mobillik baǵdarlaması boyınsha Qazaqstan Respublikasında
2023-jıl 18-30-noyabr aralıǵında QMI professor-oqıtıwshıları X.A.YAssawiy atındaǵı Xalıqaralıq qazaq-túrk universitetine akademiyalıq mobillik baǵdarlaması boyınsha náwbettegi topardıń xızmet saparı shólkemlestirildi.
Instituttıń onǵa shamalas professor-oqıtıwshılarınan dúzilgen komanda óz baǵdarları boyınsha, rejege muwapıq studentler ushın lekciya hám ámeliy sabaqlar menen bir qatarda ámeliy kónlikpeler, analizler boyınsha sheberlik sabaqları hám seminar treningler ótpekte.Uteniyazov B. mobillik boyınsha Qazaqstan Respublikası YAssawiy atındaǵı xalıqaralıq universitetinde bir háptelik stajirovkada bolıp keldi.
