“Pediatriya keleshegi” X yubiley xalıqaralıq olimpiadasında QMI studentleri maqtanısh penen qatnastı
26.11.2025 Поделиться
Usı jıldıń 20-21-noyabr kúnleri dástúriy tárizde Sankt-Peterburg Pediatriya universitetinde “Pediatriya keleshegi” xalıqaralıq qatnasıwındaǵı X Rossiya xalıqaralıq olimpiadası bolıp ótti.
Bul abıraylı olimpiadada Rossiya, Belarus, Qazaqstan hám Ózbekstannıń jetekshi medicina joqarı oqıw orınlarınan 42 komanda qatnastı.
✨ Qaraqalpaqstan medicina institutı studentleri de belsene qatnasqanı ushın “Первопроходцы”nominaciyası menen sıylıqlandı.
🔍 Olimpiada baǵdarlamasında:
- jámáátlik test sınaqları,
- ámeliy kónlikpeler boyınsha shınıǵıwlar,
- klinikalıq situaciyalıq máseleler,
- Ne? Qayda? Qashan? intellektual oyını,
- zamanagóy medicinanıń áhmiyetli temalarına baǵıshlanǵan “Debat-klub” (robot-matka, AI, demografiyalıq dispanserizaciya) orın aldı.
🎓 Jarısta 215 student 4-6 kurs studentleri qatnasıp, pediatriya boyınsha bilim hám kónlikpelerin kórsetti.
Olimpiada shólkemlestiriwshileri tárepinen QMI komandasınıń qatnasıwı hám qollap-quwatlawında kórsetken is-háreketleri ushın Institut rektorı O. Xalimovqa Minnetdarshılıq xatı tapsırıldı.
️
Barlıq qatnasıwshılar Pediatriya universiteti baspası tárepinen basıp shıǵarılǵan kitaplar menen sıylıqlandı.
QMI studentleri ushın bul olimpiada xalıqaralıq tájiriybe, ilimiy qarım-qatnas hám pediatriya tarawındaǵı bilimlerdi jáne de bayıtıw ushın áhmiyetli maydan bolıp xızmet etti.
