Qaraqalpaq tili bayramı QMIda belgilendi
01.12.2025 Поделиться
Qaraqalpaqstan medicina institutında 1-dekabr – Qaraqalpaq tili bayramı múnásibeti menen ilaj bolıp ótti.
Ilajda institut rektorı O.Xalimov, rektor másláhátshisi A.Allaniyazov, birinshi prorektor Z.Aleuov, professor-oqıtıwshılar, tyutorlar hám studentler qatnastı.
Rektor O.Xalimov óziniń shıǵıp sóylegen sózinde barlıq qatnasıwshılardı qaraqalpaq tiline mámleketlik til biyligi berilgeniniń 36 jıllıǵı menen qutlıqladı. Sonday-aq, tildiń mámleketlik turmıs, mádeniyat hám rawajlanıwdaǵı ornı sheksiz ekenin atap ótti. Institutta medicina baǵdarındaǵı ádebiyatlardı qaraqalpaq tiline awdarıw baǵdarında alıp barılıp atırǵan jumıslarǵa da ayrıqsha toqtap ótti.
Bunnan soń professor-oqıtıwshılar qaraqalpaq tiliniń áhmiyeti haqqında pikir bildirdi.
Ilaj sońında student-jaslar tárepinen tayarlanǵan kórkem-koncert baǵdarlaması kórsetilip, bayram qatnasıwshılarına kóterińki keypiyat baǵıshladı.
