Qaraqalpaqstan medicina institutında gender máselelerine baǵıshlanǵan ushırasıw ótkerildi
10.12.2025 ПоделитьсяQaraqalpaqstan medicina institutında gender teńlikti úgit-násiyatlaw, salamat sociallıq ortalıqtı qáliplestiriw hám zorlıqtıń aldın alıw máselelerine baǵıshlanǵan ushırasıw bolıp ótti.
Ilajda Puqaralıq baslamaların qollap-quwatlaw orayı Qaraqalpaqstan aymaqlıq bóliminiń direktorı G.Jollibekova, Qaraqalpaqstan medicina institutı rektorınıń hayal-qızlar máseleleri boyınsha másláhátshisi Z.Erimbetova, institutqa biriktirilgen profilaktika inspektorı T.Qarlıbaeva, professor-oqıtıwshılar, tyutorlar hám student-jaslar qatnastı.
Ushırasıw dawamında qatnasıwshılar shańaraq psixologiyası, gender teńligi, reproduktivlik salamatlıq, sonday-aq, jámiyette zorlıqqa qarsı mawasasız múnásibetti qáliplestiriw máseleleri boyınsha óz pikir-usınısların bildirdi.
Ilaj student-jaslardıń sanasında teńlik, óz-ara húrmet hám sociallıq juwapkershilik túsiniklerin bekkemlewge xızmet etti.





