Qaraqalpaqstan medicina institutında Registrator ofisi jumıs basladı
05.02.2025 Поделиться
Onıń qanday abzallıqları bar?
Registrator ofisi degen ne?
Registrator ofisi (yaki registrar’s office) – bul joqarı oqıw orınlarında studentlerdiń oqıw procesi menen baylanıslı barlıq maǵlıwmatlar, hújjetler hám xızmetler júrgiziletuǵın bólim. Ol studentler hám joqarı oqıw ornı arasında ózine tán kópir wazıypasın atqaradı.
Hújjet aylanısı: Studentlerge beriletuǵın hújjetler (diplomlar, transkriptler hám basqalar) sanı da kóbeydi. Sol sebepli, Garvard Universiteti bul mashqalalardı sheshiw ushın óz aldına bólim shólkemlestiriwge qarar etti. Bul bólim studentlerdi dizimge alıw, olardıń akademiyalıq jetiskenliklerin baqlap barıw hám olarǵa rásmiy hújjetlerdi beriw sıyaqlı wazıypalardı óz moynına aldı. Keyin ala, bul bólim “Registrar’s Office” (Registrator ofisi) dep atala baslandı.
Búgingi kúnde “Registrator ofisi” Ózbekstanda da kóplegen joqarı bilimlendiriw mákemelerinde shólkemlestirildi. Atap aytqanda, Qaraqalpaqstan medicina institutında shólkemlestirilgen bolıp, házirgi waqıtta óz jumısın alıp barmaqta.
Registrator ofisiniń abzallıqları:
- Studentler ushın qolaylılıq;
- Oqıw procesine baylanıslı barlıq maǵlıwmatlar bir jerde jámlengen;
- Hújjetlerdi rásmiylestiriw hám alıw ańsatlastırılǵan;
- Oqıw procesindegi sorawlarǵa tez hám anıq juwaplar alıw;
- Oqıw baǵdarlamaları hám tańlaw pánleri haqqında maǵlıwmat alıw imkaniyatı;
- Oqıw ornı ushın nátiyjelilik;
- Oqıw procesin nátiyjeli basqarıw;
- Studentlerdiń maǵlıwmatların tártipli saqlaw hám basqarıw;
- Hújjetlerdi tez hám sapalı tayarlaw;
- Oqıw procesi haqqındaǵı maǵlıwmatlardı tallaw imkaniyatı;
- Joqarı oqıw ornınıń xalıqaralıq reytinglerdegi ornın jaqsılawǵa járdem beredi;
- Ashıqlıq hám ádillik;
- Studentlerdiń akademiyalıq maǵlıwmatları ashıq-aydın hám ádil túrde júrgiziledi;
- Hújjetlerdi tayarlawda korrupciyalıq jaǵdaylardıń aldı alınadı;
- Zamanagóylik:
Registrator ofisler kóbinese zamanagóy texnologiyalar (elektron platformalar, onlayn sistemalar) dan paydalanadı. Bul óz gezeginde studentler hám oqıw orınları arasındaǵı baylanıslardı jáne de nátiyjeli etedi.
Xalıqaralıq standartlarǵa muwapıqlıq:
• Registrator ofisi xalıqaralıq standartlarǵa sáykes keletuǵın joqarı bilimlendiriwdi basqarıw modeli bolıp tabıladı.
• Bul joqarı oqıw ornınıń xalıqaralıq birge islesiwin rawajlandırıwǵa járdem beredi.
Juwmaqlap aytqanımızda, Finanslıq erkinlik berilgen 40 joqarı oqıw ornında Registrator ofisi shólkemlestirildi. Nátiyjede dekanat hám bólimlerde shtatlar 20 procentke qısqarıp, 30 xızmet túri sanlastırıldı. Endi joqarı oqıw orınlarında Registrator ofisleriniń iske túsiriliwi, joqarı bilimlendiriwde studentlerge qolaylıqlar jaratıw, oqıw procesin basqarıw nátiyjeliligin arttırıw, ashıq-aydınlıqtı támiyinlew hám xalıqaralıq standartlarǵa beyimlesiwge járdem beredi. Bul ofisler joqarı oqıw orınlarınıń oqıw procesin optimallastırıwda hám sapalı bilimlendiriwdi támiyinlewde áhmiyetli rol atqaradı.
📍 «QMI Registrator ofisi» mánzili QMI 6-imarat. (Orinter. Málimleme-resurs orayı 2-imaratınıń 1-qabatı) 📞Maǵlıwmat ushın telefonlar: (61) 222-29-60 (61) 222-82-76