Qaraqalpaqstan medicina institutınıń studenti Abu Ali ibn Sino atındaǵı mámleketlik stipendiyasınıń jeńimpazı boldı

13.12.2024 Поделиться

⚡️Ózbekstan Respublikası Joqarı bilimlendiriw, ilim hám innovaciyalar ministrliginiń 2024-2025-oqıw jılı ushın respublikalıq joqarı oqıw orınlarınıń bakalavriat basqıshı studentlerine Ózbekstan Respublikası Prezidenti hám ataqlı mámleketlik stipendiyaların tayınlaw haqqındaǵı buyrıǵı tiykarında Qaraqalpaqstan medicina institutınıń studenti Eskabulova Gulbanu Melisovna mámleketlik stipendiya tańlawınıń jeńimpazı dep tabıldı.

Eskabulova Gulbanu Melisovna- Emlew isi qánigeliginiń 5-kurs studenti

Ol usı kúnge shekem:
🔥 QMI tárepinen shólkemlestirilgen Charjau Abdirov atındaǵı stipendiya iyesi. (2023-2024 jılǵı tańlaw jeńimpazı)

🔥“Future Pharmacist”, “Followers of Avicenna”, “Samarkand-2020” hám t.b. Xalıqaralıq olimpiadalar jeńimpazı;

🔥 Ilimiy jumısları nátiyjeleri respublika kólemindegi ilimiy jurnallarda baspadan shıǵarılǵan.

🔥Barlıq pánlerdi ayrıqsha bahalarǵa ózlestirip teńleslerine úlgi bolıp kelmekte.

🔥Shet tili (ingliz tili) boyınsha xalıqaralıq IELTS hám milliy CEFR С1 (7,5 ball) dárejesi iyesi. Studentler ilimiy jámiyeti, “Ziyrek talabalar” ag’zası.

Ómirdegi uranı: “Your boundaries are defined by where you choose to set them. Approach your goals with determination and strive toward what holds true significance for you.” (Твои границы там, где ты их установишь. Смело расширяй свои возможности и двигайся к тому, что действительно важно для тебя.)