QMI oqıtıwshıları Qazaqstan Respublikasında
23.11.2024 Поделиться
Qaraqalpaqstan medicina institutı xalıq aralıq birge islesiwler sheńberinde Qazaqstan Respublikasınıń medicinalıq joqarı oqıw orınları menende akademik mobillikti jolǵa qoyǵan.
Bul baǵdarlama tiykarında, usı jıldıń 18-23-noyabr kúnleri Instituttıń Akusherlik hám ginekologiya kafedrası baslıǵı S.Bazarova hám kafedra assistenti D.Uteniyazovalar S.D.Asfendiyarov atındaǵı Qazaqstan milliy medicina universitetinde xızmet saparında boldı.
Olar óz jónelisleri boyınsha rejege muwapıq studentler ushın lekciya hám ámeliy sabaqlardı ótiwi menen bir qatarda seminar treningler ótti.
Sapar dawamında Qazaqstan milliy medicina universiteti professor-oqıtıwshıları menen pikir alıstı hám tuwıw úylerindegi shárayatlar menen tanıstı.
Maǵlıwmat ornında aytıp ótiw tiyis, medicina ilimler kandidatı, joqarı kategoriyalı shıpaker Seregul Bazarova 40 jıldan aslam Respublikalıq tuwıw úyinde de akusher ginekolog shıpakeri bolıp jumıs islep kelmekte.
