QMI student-jasları arasında “Antikorrupciya bilimdanı” temasında kórik tańlaw bolıp ótti
25.11.2024 Поделиться
Búgin, 25-noyabr sánesinde Qaraqalpaqstan medicina institutında student-jaslardıń huqıqıy bilim hám túsiniklerin, huqıqıy mádeniyatın asırıw, jámiyettegi korrupciyaģa baylanıslı huqıqbuzarlıqlardıń aqıbetleri haqqında maģlıwmat beriw maqsetinde “Antikorrupciya bilimdanı” kórik tańlawı https://t.me/www_kkmi_uz/3901 bolıp ótti.
Tańlawda instituttıń belsendi student jasları 3 basqıshta korrupciyaǵa qarsı huqıqıy bilim hám kónlikpelerin, korrupciyanıń aldın alıwǵa qaratılǵan sahnalıq kórinislerdi aktyorlıq sheberlikleri menen kórsetiwi arqalı sınnan ótkerildi.
Tańlaw juwmaģı boyınsha:
1-orın “Korruptolog” komandası;
2-orın “Adolat ittifoqi” komandası
3-orın “Kúsh ádillikte” komandaları iyeledi.
Jeńimpazlar diplom hám qarjılay sıylıqlandı.
Maǵlıwmat ornında aytıp ótiw tiyis, “Aksilkorrupciya aylıǵı sheńberinde institut student-jaslar arasında “Jaslar korrupciyaǵa joq deydi!” temasında, “Eń jaqsı videorolik”, “Eń jaqsı dóretpe” hám “Eń jaqsı súwret” nominaciyaları boyınshada tańlaw ótkerilmekte.
Búgingi kúnde “Eń jaqsı súwret” nominaciya boyınsha jeńimpazdı anıqlaw ushın studentler arasında dawıs beriw (https://forms.gle/evqP86fhnGYTHUA87) procesleri dawam etpekte.
Búgingi jeńimpazlardı Institut jámááti atınan qutlıqlaymız.
