QMIda náwbettegi “Ata-analar” jıynalısı bolıp ótti
20.12.2024 Поделиться
Qaraqalpaqstan medicina institutında ata-analar jıynalısı bolıp ótti. Jıynalıstı Instituttıń jaslar máseleleri hám ruwxıy-aǵartıwshılıq isleri boyınsha 1 prorektorı Z.Aleuov ashtı ham alıp bardı. Ol jıynalǵan ata-analarǵa institut turmısı, ondaǵı qánigelikler, institut jetiskenlikleri, aldaǵı rejeler haqqında aytıp ótti.
Onnan soń, rektor máslahatshisı A.Allaniyazov sózge shıǵıp jıynalıs qatnasıwshılarına ishki tártip intizam, ádep-ikramlıq kodeks qaǵıydaları, jat ideyalardan awlaq bolıwlarına, bos waqıtlardan únemli paydalanıwlarına shaqırdı.
Jıynalısta, 2-medicina fakultet dekanı N.Gayipbaev ata-analarǵa Hemis platforması, kredit modul sisteması hám kontrakt tólemler tártibi haqqında túsinik berdi. Sonday-aq, medicina tarawında oqıp atırǵan student jaslardıń bilim alıwı keleshekte insan ómiri menen tikkeley baylanıslı ekenligi haqqında qosımsha maǵlıwmatlar berdi.
Májilis dawamında, ata-analar ózleriniń qızıqtırǵan sorawlarına juwaplar aldı.
