QMIda Nawrız bayramına arnalǵan bayram tamashaları bolıp ótedi
18.03.2025 Поделиться
DIQQAT, DAǴAZA!
Usı jıldıń 19-mart kúni saat 11:00de Qaraqalpaqstan medicina institutında ulıstıń ullı kúni, jańalanıw hám jasarıw áyyamı Nawrız bayramı múnásibeti menen «Qádiriyatlarıń máńgi bolsın, Nawrız!» atamasındaǵı bayram seyilleri hám teatrlastırılǵan koncert baǵdarlaması bolıp ótedi.
Bayram seyilleri sheńberinde instituttıń studentleri hám professor-oqıtıwshıları tárepinen úlken qazanlarda Nawrız taǵamı súmelek pisirilip, milliy taǵamlar hám milliy kiyimler kórgizbesi shólkemlestiriledi.
Sonday-aq, miliy sport oyınlarınan arqan tartısıw, gira tas kóteriw, láńgi tebiw sıyaqlı jarıslar ótkeriliwi rejelestirilgen.
Sport jarıslarına qatnasıwshı komandalar @Qmi_jaslar_awqam profile arqalı 19-mart saat 10:00ge shekem dizimnen ótiwińiz soraladı.
Bársheńizdi bayram seyilleri hám koncert baǵdarlamasına mirát etemiz!
Bayram tamashaların tómendegi rasmiy social tarmaqlar arqalı baqlap barıń!