QMIda Qaraqalpaq tiline mámleketlik til biyligi berilgen kún múnásibeti menen bayram keshesi bolıp ótti
02.12.2024 Поделиться
Qaraqalpaqstan Respublikasınıń “Mámleketlik til haqqında”ǵı Nızamı qabıl etilgenine 35 jıl tolıwı múnásibeti menen Qaraqalpaqstan medicina institutında «Mártebeń bálent bolsın ana tilim» atamasında bayram keshesi boldı.
Bayram keshesin Institut rektorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı Z.Aleuov kiris sóz benen ashtı hám jıynalǵanlardı bayram menen qutlıqladı.
Ilajda, til – elimiz tımsalı, múlki, ruwxı, millettiń mádeniy hám ruwxıy baylıǵı, xalqımızdıń mádeniyatı, úrip-ádeti, onıń turmıs tárziniń tariyxı bolıp esaplanadı. Til bar eken millet jasaydı. Qaraqalpaq tilin xalıqaralıq dárejege jetkeriw, abıroyın kóteriw, onı saqlawǵa óz úlesimizdi qosıw hám húrmetlewimiz zárúrligi, tilimizdi asıraw, mámleket tili sıpatındaǵı biyligi, jas áwladlardı ana-tilimizdi húrmet etiwge tárbiyalaw bárshemizdiń wazıypamız ekenligi atap ótildi.
Student jaslar tárepinen monologlar, ullı shayır hám jazıwshılarımızdıń Ana tilimizge baǵıshlap dóretken shıǵarmalarınan úzindiler, sazlı namalar menen qatnasıp, bárshe qatnasıwshılarǵa kóterińki keypiyat baǵıshladı.
