«Qorshaǵan ortalıq hám global salamatlıq» atamasında symposium bolıp ótti
19.11.2024 Поделиться
Usı jıldıń 18-noyabr kúni Qaraqalpaqstan medicina institutında «Qorshaǵan ortalıq hám global salamatlıq» atamasında symposium ótkerildi.
Symposium Koreya universiteti menen birgelikte shólkemlestirildi.
Instituttıń Oqıw isleri boyınsha prorektorı Murat Kurbanazarov symposiumdı kiris sóz benen ashıp berdi.
Gibrid formatta ótkerilgen symposiumda Koreya Universiteti Professorı Jaewook Choi onlayn tárizde qatnasıp symposiumnıń áhmiyeti hám QMI menen birge islesiw sheńberinde erisilgen nátiyjeler haqqında aytıp ótti.
Symposiumǵa Koreya Universitetiniń 30 ǵa jaqın jetekshi professor-oqıtıwshıları, magistrlar, doktorantlar hám student jasları qatnastı.
Symposiumda Qaraqalpaqstan hám Koreya respublikalarınıń ıqlım shárayatındaǵı mashqalalar boyınsha bayanatlar tıńlandı hám júzege kelip atırǵan ekologiyalıq jaǵdaylar boyınsha pikir almastı.
Sonday-aq, qatansıwshılarǵa arnawlı sertifikatlar tapsırıldı.
