“Pediatriya isi” tálim baǵdarı boyınsha qánigeler tayarlaw 1990-jıldan baslap QMU janında jolǵa qoyılǵan bolıp, birinshi qabıllaw 100 student muǵdarında ámelge asırılǵan. 1996-jıldan baslap usı tálim baǵdarına qabıllaw Mámleketlik test orayı (MTO) tárepinen ótkeriletuǵın test sınaqlarınıń nátiyjelerine tiykarlanıp ámelge asırıla baslandı. Bilimlendiriw baǵdarınıń oqıw múddeti 6 jıl.
    2019-jılı “Pediatriya isi” tálim baǵdarı boyınsha Oqıw baǵdarlaması tabıslı túrde mámleketlik akkreditaciyadan ótti (Mámleketlik akkreditaciya haqqındaǵı gúwalıq №OT5000011, 2019-jıl 23-oktyabrde berilgen) – Ózbekstan Respublikası Ministrler Kabineti janındaǵı Bilimlendiriw sapasın qadaǵalaw mámleketlik inspekciyası tárepinen.
      “Pediatriya isi” baǵdarı boyınsha bakalavrlardı tayarlaw hám pitkeriw jumısları 2-medicina fakulteti kafedraları tárepinen ámelge asırıladı. 5510200, 60910300 – “Pediatriya isi” tálim baǵdarları boyınsha pitkeriwshilerge akademiyalıq dáreje – ulıwma pediatr shıpakeri ataǵı beriledi. Tayarlaw procesi “Pediatriya isi” baǵdarı boyınsha tastıyıqlanǵan oqıw baǵdarlaması (OB) tiykarında, mámleketlik attestaciya komissiyası (MAK) talapları tiykarında alıp barıladı.
       “Pediatriya isi” baǵdarında jaqın sırt ellerden – Túrkmenstan hám Qazaqstannan kelgen studentler de oqıp atır. Tálim tili úsh tilde: qaraqalpaq, ózbek hám rus tillerinde alıp barıladı. Bilimlendiriw forması – kúndizgi.
       Fakultet quramında 18 kafedra bolıp, olar oqıw, ilimiy hám emlew jumısların ámelge asıradı. Ulıwma esapta 219 oqıtıwshı jumıs alıp baradı, sonnan 22  ilim doktorı, 12  professor, 8  docent; 46 ilim kandidatı bolıp, olardan 18 docent, 5 aǵa oqıtıwshı hám 151 assistent esaplanadı. Oqıw-járdemshi hám xızmet kórsetiwshi xızmetkerlerdiń sanı 7 adamdı quraydı. 47 oqıtıwshı shet tillerin biliw boyınsha sertifikatqa ie (C1, B2, B1 dárejelerde). QMI klinikası hám Qaraqalpaqstan Respublikasınıń 22 emlew-profilaktikalıq mákemeleri (sonıń ishinde, Respublikalıq balalar kóp tarmaqlı orayı, RQMnQ Nókis filialı, Respublikalıq 1-sanlı psixonevrologiyalıq dispanseri, Analar hám balalar salamatlıǵın qorǵaw ilimiy orayı, Dermatovenerologiya hám kosmetologiya ilimiy orayı – Qaraqalpaqstan filialı, Respublikalıq balalar juqpalı kesellikler emlewxanası, Onkologiya hám radiologiya ilimiy orayınıń – Qaraqalpaqstan filialı, poliklinikalar, sonıń ishinde, 2 jeke menshik medicina klinikası hám basqalar) instituttıń klinikalıq bazaları bolıp esaplanadı. Bul jerde studentler ózleriniń teoriyalıq bilimlerin bekkemleydi hám ámeliy kónlikpelerdi ieleydi. Bul bolsa medicinalıq bilimlendiriw, ilim hám ámeliyattıń integraciyasın támiyinlew ushın sharayat jaratadı.
        1996-jılı “Pediatriya isi” fakultetiniń birinshi 153 pitkeriwshisi oqıwdı tamamlaǵan.