“Rektor hám jaslar” ushırasıwı – ashıqtan-ashıq sóylesiw hám jańa imkaniyatlarǵa qádem!
16.04.2025 Поделиться📅 Búgin, 16-aprel kúni Qaraqalpaqstan medicina institutında áhmiyetli ushırasıw bolıp ótti. Ilajda institut rektorı hám student-jaslar menen ashıq hám qızǵın sóylesiw ótkerdi.
🗣 Ushırasıwda studentlerdiń:
• oqıw procesi,
• ilimiy hám jámiyetlik belsendiligi,
• sociallıq qollap-quwatlanıwı,
• hám jańa imkaniyatlar jaratıw máseleleri hár tárepleme dodalandı.
📌 Rektor institutta jolǵa qoyılıp atırǵan jańa joybarlar haqqında tolıq aytıp, jaslardı:
• erkin pikir bildiriwge,
• jámiyette óz ornın tabıwǵa,
• xalıqaralıq kólemde joqarı nátiyjelerdi iyelewge shaqırdı.
Studentler bolsa óz náwbetinde bir qatar usınıs hám baslamalardı alǵa qoydı:
• oqıw hám ámeliyat sharayatların jáne de jaqsılaw,
• kitapxanalardı ilimiy hám kórkem ádebiyatlar menen bayıtıw,
• dóretiwshi jaslardı qollap-quwatlaw,
• jazıwshı hám shayırlar menen ushırasıwlar shólkemlestiriw,
• psixologiyalıq seminarlar hám sport dógerekleriniń jumısın rawajlandırıw,
• kitapqumarlıqtı úgit-násiyatlaw boyınsha akciyalar ótkeriw usınısların bildirdi.
✅ Rektor hár bir pikir hám usınıstı dıqqat penen tıńlap, olardı ámeliyatqa engiziw boyınsha pikir bildirdi hámde institut rawajlanıwına xızmet etetuǵın joybarlar menen pikirlesti. Ushırasıw sońında rektor jaslardı jáne de belsendilik kórsetiwge, umtılıwshańlıq hám intali bolıwǵa shaqırdı.
📢 Bul ushırasıw jaslar hám basshılar arasındaǵı isenimli sóylesiwge, birge islesiwde rawajlanıwǵa qaray áhmiyetli qádemlerden biri boldı.




