Rektor qutlıqlawı
01.09.2025 Поделиться
Assalawma áleykum, húrmetli professor-oqıtıwshılar, áziz studentler hám qádirli kásiplesler!Bársheńizdi elimiz turmısındaǵı eń ullı hám qádirli sáne —Ózbekstan Respublikası ǵárezsizliginiń 34 jıllıq bayramı menen shın júregim menen qutlıqlayman!
Ǵárezsizlik biz, medicina tarawı wákillerine, xalqımızdıń salamatlıǵın bekkemlew, ilimiy izertlewlerdi rawajlandırıw, zamanagóy medicinalıq bilim hám tájiriybelerdi jaslarǵa jetkeriw imkaniyatların berdi. Búgin densawlıqtı saqlaw sistemasındaǵı jańalanıwlar, ilim tarawındaǵı jetiskenlikler, medicinalıq bilimlendiriwdiń sapa jaǵınan joqarılawı — barlıǵı ǵárezsizligimizdiń nátiyjesi bolıp esaplanadı.
Sońǵı jılları medicina institutlarında jaratılıp atırǵan sharayatlar, zamanagóy klinikalar, jańa laboratoriyalardıń ashılıwı — jas áwladtı maman shıpaker hám ilimpaz etip tárbiyalawda keńnen jol ashpaqta.
Biziń institutımız da mine usı iygilikli maqsetlerge úles qosıp, bilimli, jetik hám pidayı jas kadrlardı tayarlawdı dawam ettirmekte.
Húrmetli ustazlar hám áziz studentler!
Sizlerdi ǵárezsizligimizdiń 34 jıllıq bayramı menen jáne bir márte qutlıqlap, xalqımızdıń densawlıǵı hám baxıt-ıǵbalı jolında alıp barıp atırǵan pidákerlik miynetińizde úlken tabıslar tileymen. Elimiz tınısh, xalqımız abadan, keleshegimiz bolsa jarqın hám salamat bolsın!
Húrmet penen,
Olimbay Xalimov
Qaraqalpaqstan medicina institutı rektorı