Shıpa hám bilim bir jerde – “Mehrli maktab”
14.02.2026 ПоделитьсяQaraqalpaqstan medicina institutı klinikasında nawqas balalardıń aǵımı kóbeydi. Olardıń bilim alıwdan úzilmewi ushın Klinika ishindegi arnawlı “Mehrli maktab” uzaq múddet emlenip atırǵan balalar ushın tek ǵana mektep emes, al úmit hám qollap-quwatlaw ornına aylanbaqta.
Bul jerde gematologiya, onkologiya, klinikalıq immunologiya hám basqa da kesellikler menen emlenip atırǵan barlıq balalar bilimlendiriwden úzilip qalmaydı. Emleniw procesinde de olar mektepke shekemgi hám ulıwma orta bilimlendiriwdi dawam ettirip bilim alıw imkaniyatına iye boladı.
Shınıǵıwlar balalardıń densawlıǵın esapqa alǵan halda qısqa, qolaylı hám individual yamasa topar tárizinde shólkemlestiriledi. Tiykarǵı pánler tikkeley oqıtıladı, basqa sabaqlar bolsa onlayn platformalar, sonıń ishinde, Zoom arqalı alıp barıladı.
Sabaqlardan tısqarı balalar súwret salıw, shaxmat-shashka, qol miyneti, karaoke hám hár qıylı dógerekler menen shuǵıllanıp óz qızıǵıwshılıqların rawajlandıradı. Mektep psixologi bolsa balalar hám ata-analarǵa ruwxıy járdem kórsetedi.
Eń áhmiyetlisi balalar emlenedi, sawaladı hám sonıń menen birge bilimlendiriwden shette qalmaydı. “Mehrli maktab” olarǵa densawlıq penen birge keleshek ushın bilim de beredi.
Eger nawqaslar poliklinikalardan rásmiy jollama menen Institut klinikasına múrájat etse, operaciyalar hám emlew proceduraları biypul túrde ámelge asırıladı.
️Maǵlıwmat ushın:









