Úgit-násiyat poezdi Qaraqalpaqstan medicina institutında
03.12.2025 ПоделитьсяBúgin, 3-dekabr, Ózbekstan Respublikası Konstituciyası qabıl etilgeniniń 33 jıllıǵı múnásibeti menen Tashkent mámleketlik yuridikalıq universiteti oqıtıwshıları hám student-jaslarınan ibarat “Úgit-násiyat poezdi” Qaraqalpaqstan medicina institutına keldi.
Ushırasıw “Konstituciya – insan qádiri, erkinlik, teńlik hám ádillik girewi!” súreni astında bolıp ótti.
🔹 Ilaj dawamında studentlerge Konstituciyanıń mazmun-mánisi, ondaǵı tiykarǵı principler hám olardıń kúndelikli turmıstaǵı áhmiyeti boyınsha tolıq túsinikler berildi.
🔹 Huqıqıy sawatlılıqtı arttırıwǵa qaratılǵan interaktiv oyınlar, soraw-juwaplar hám viktorinalar shólkemlestirildi.
🔹 Medicina tarawına baylanıslı áhmiyetli huqıqıy túsinikler, atap aytqanda, nawqas hám medicina xızmetkeriniń huqıq hám minnetlemeleri, medicinalıq sır saqlanıwı, densawlıqtı saqlaw sistemasındaǵı huqıqıy normalar haqqında da hár tárepleme maǵlıwmatlar berildi.
Ushırasıw QMI studentleri ushın tek ǵana Konstituciyamızdı tereńirek úyreniw emes, al keleshektegi kásiplik jumısında áhmiyetli bolǵan huqıqıy bilimlerdi bekkemlew ushın da nátiyjeli boldı.








