Davolash ishi – 60910200 (kunduzgi) – 6 yil

Davolash ishi

 «Davolash ishi» ta’lim dasturining missiyasi – Oralbo‘yi mintaqasi uchun sog‘liqni saqlash sohasida «Davolash ishi» mutaxassisligi bo‘yicha yuqori malakali kadrlar tayyorlash va tarbiyalash, hudud aholisiga ko‘rsatilayotgan tibbiy xizmatlar sifatini va qamrovini oshirish, tibbiyot amaliyotining ta’lim va fan bilan o‘zaromustahkam integratsiyasini ta’minlash, diagnostika va davolash jarayoniga ilg‘or yutuqlar va innovatsiyalarni joriy etish.

Qarashi: talabaning ijodiy salohiyatini ochib beradigan, tibbiy muhitda amaliy bilim va malakalarni rivojlantiruvchi, dunyo o‘zgarishlariga moslashish, mehnat bozorida talabchan va raqobatbardosh bo‘lish imkonini beruvchi barkamol shaxsni tarbiyalashga qaratilgan fakultet.

Qadriyatlari:

Talabalar: davlatimiz kelajagi

Etakchilik: doimiy rivojlanish va oldinga harakat qilish istagi

Ijtimoiy mas’uliyat: jamiyat farovonligiga ta’sir qiluvchi xayriya va ijtimoiy loyihalarda ishtirok etish

Tadqiqot va ta’lim erkinligi: yangi g‘oyalarga, o‘zgarishlarga, hamkorlikka,  o‘qitish va tadqiqotda yangi formatlar va texnologiyalarga ochiqlik;

Akademik erkinlik: biz ma’lumot almashish, tanlov qilish, o‘z g‘oyalarimizni ishlab chiqish va o‘z harakatlarimizni belgilashda erkinmiz.

Maqsadi: fakultetning barcha faoliyati sifatini oshirish, sog‘liqni saqlash tizimi talablari hamda jamiyatdagi zamonaviy tendensiyalarga mos ravishda yuqori malakali va raqobatbardosh tibbiyot kadrlarini tayyorlash bilan ajralib turadigan fakultetga aylanish.