Jańalıqlar

Student qızlar ushın reproduktiv salamatlıq temasında dógerek sáwbeti ótkerildi

13.03.2026

👁 2 marta ko‘rilgan

Qaraqalpaqstan medicina institutında student qızlardıń medicinalıq sawatlılıǵın arttırıw, olardı salamat turmıs tárizine baǵdarlaw hám keleshektegi shańaraqlıq turmısqa sanalı tayarlıq kóriw maqsetinde “Student qızlar ushın reproduktiv salamatlıq hám sanalı turmısqa tayarlıq” atamasında dógerek sáwbeti shólkemlestirildi.

Ilajda instituttıń hayal-qızlar máseleleri boyınsha rektor másláhátshisi Z.Erimbetova, Respublikalıq perinatal orayında kóp jıllıq jumıs tájiriybesine iye bolǵan, házirgi waqıtta kafedra baslıǵı lawazımında jumıs alıp barıp atırǵan S.Bazarova hám assistent Z.Berdimuratova student qızlar menen ushırasıp, áhmiyetli medicinalıq temalar boyınsha hár tárepleme maǵlıwmat berdi.

Sáwbetlesiw dawamında erte nekeleniwdiń salamatlıqqa tásiri, hámiledarlıq dáwirinde hayal organizmine itibar beriw, reproduktivlik salamatlıqtı saqlaw, keleshek áwlad salamat bolıwı ushın zárúr medicinalıq usınıslar haqqında tolıq túsinikler berildi.

Ashıqtan-ashıq sóylesiw túrinde bolıp ótken ushırasıw student qızlardıń salamat turmıs tárizi, reproduktiv salamatlıq hám keleshektegi analıq juwapkershiligi haqqındaǵı bilimlerin jáne de bekkemlewge xızmet etti.

PHP Code Snippets Powered By : XYZScripts.com