Jańalıqlar

Bilimlendiriw ortalıǵında qáwipsizlik hám óz-ara húrmet – áhmiyetli wazıypa

25.02.2026

👁 2 marta ko‘rilgan

Búgin, 25-fevral kúni Qaraqalpaqstan medicina institutında bilimlendiriw ortalıǵında qáwipsizlik, óz-ara húrmet hám kásiplik juwapkershilikti jáne de bekkemlewge baǵıshlanǵan áhmiyetli ushırasıw bolıp ótti.

Ilaj institutta salamat ruwxıy-aǵartıwshılıq ortalıqtı qáliplestiriw, pedagog hám xızmetkerlerdiń huqıqıy sawatlılıǵın arttırıw hám bilimlendiriw procesinde ádep-ikramlılıq normalarına qatań ámel etiliwin támiyinlewge qaratıldı.

🔹 Ushırasıwdı instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Z.Alewov ashıp berdi hám alıp bardı.

🔹 Onda rektordıń hayal-qızlar máseleleri boyınsha másláhátshisi Z.Erimbetova, Respublikalıq shańaraq orayınıń baslıǵı M.Utepbergenov hám instituttıń profilaktika inspektorı T.Qarlıbaeva qatnastı.

Shıǵıp sóylegenler bilimlendiriw mákemelerinde huqıqbuzarlıqlardıń aldın alıw, profilaktikalıq jumıslardı nátiyjeli jolǵa qoyıw, pedagoglar hám student-jaslar arasında nızamshılıq principlerine húrmetti bekkemlew búgingi kúnniń áhmietli wazıypalarınan biri ekenin atap ótti.

Sonday-aq, qáwipsiz, óz-ara húrmet hám ashıq pikirlesiwge tiykarlanǵan salamat bilimlendiriw ortalıǵın qáliplestiriw hár bir pedagogtıń kásiplik minneti ekeni atap ótildi.

✅ Ilaj dawamında:

✔️ Pedagog xızmetkerlerdiń kásiplik etikası

✔️ Student-jaslar menen qarım-qatnas mádeniyatı

✔️ Xızmet wazıypaların orınlawda juwapkershilik

✔️ Ádep-ikramlılıq normalarına ámel etiw máseleleri keń túrde dodalandı.

Juwmaǵında qatnasıwshılardıń pikir-usınısları tıńlanıp, bilimlendiriw procesinde unamlı sociallıq-psixologiyalıq ortalıqtı bekkemlew hám pedagoglardıń kásiplik etikası hám juwapkershiligin jáne de arttırıw boyınsha tiyisli usınıslar berildi.

PHP Code Snippets Powered By : XYZScripts.com