“Rektor hám Jaslar” – ashıq sóylesiw hám jańa baslamalar maydanı

26.02.2026

👁 9 marta ko‘rilgan

Húrmetli Prezidentimiz tárepinen 24-fevral kúni jaslar menen ushırasıwda alǵa qoyılǵan – hár piyshembi kúnin “Jaslar kúni” etip belgilew baslaması tiykarında Qaraqalpaqstan medicina institutında “Rektor hám Jaslar” ushırasıwı shólkemlestirildi.

Ilajda institut rektorı O.Xalimov shıǵıp sóylep, mámleketimizde jaslarǵa qaratılǵan reformalar, jaratılıp atırǵan imkaniyatlar hám bilimlendiriw tarawındaǵı jańalanıwlar haqqında hár tárepleme toqtap ótti. Jaslardıń bilim alıwı, óz ústinde islewi hám intakerlik kórsetiwi mámleketlik siyasattaǵı tiykarǵı baǵdar ekeni atap ótildi.

🏆 Sonday-aq, ilaj dawamında Qaraqalpaqstandaǵı joqarı oqıw orınları studentleri arasında ótkerilgen “Ádebiyat aspanındaǵı eki juldız” tańlawında 2-orındı qolǵa kirgizgen institut jámááti qızǵın qutlıqlandı.

Ushırasıwdıń eń áhmiyetli bólimi – studentlerdiń startap joybarları hám baslamaları prezentaciyası boldı. Jaslar óz ideyaların bildirip, ámelge asırıw mexanizmleri dodalandı. Tiyisli juwapkerlerge joybarlardı qollap-quwatlaw hám ámeliyatqa engiziw boyınsha tapsırmalar berildi.

“Rektor hám Jaslar” ushırasıwı – ashıqtan-ashıq sóylesiw, qollap-quwatlaw hám jańa ideyalardı ámelge asırıwǵa xızmet etiwshi áhmiyetli maydan boldı.

PHP Code Snippets Powered By : XYZScripts.com