QARAQALPAQSTAN MEDICINA INSTITUTÍ STUDENTLERI — JEŃIMPAZLAR QATARÍNDA!
11.11.2026 ПоделитьсяJoqarı oqıw orınları studentleri arasında ótkerilip atırǵan “Bes baslama” olimpiadası sheńberinde stol tennisi sport túri boyınsha shólkemlestirilgen jarısta Qaraqalpaqstan medicina institutı studentleri múnásip nátiyjelerdi qolǵa kirgizdi.
Jarıs juwmaqlarına bola, qızlar arasında Naziyra Turdımuratova barlıq qarsılaslarınan ústin bolıp, sıylı 1-orındı iyeledi hám Ózbekstan Respublikası basqıshına jollamanı qolǵa kirgizdi.
Er balalar arasındaǵı bellesiwlerde bolsa Sarvar Babajanov 2-orın menen sıylıqlandı. Studentlerimizdiń bul jetiskenlikleri olardıń sportqa bolǵan qızıǵıwshılıǵı, umtılısı hám jarıslardaǵı sheberligin kórsetti.
Jeńimpaz hám sıylı orın iyeleri bolǵan studentlerimizdi qutlıqlaymız! Nazira Turdımuratovaǵa respublikalıq basqıshta da áwmet hám tabıslar tileymiz!
