Qádirli medicina tarawı xızmetkerleri, húrmetli kásiplesler!
08.11.2026 ПоделитьсяQádirli medicina tarawı xızmetkerleri, húrmetli kásiplesler!
Sizlerdi 8-noyabr – Medicina xızmetkerleri kúni menen shın kewilden qızǵın qutlıqlayman!
Insan salamatlıǵın qorǵaw, ómirin qásterlep saqlaw, túrli keselliklerdiń aldın alıw hám xalıqqa sapalı medicinalıq xızmet kórsetiw jolında pidákerlik penen miynet etip atırǵan medicina xızmetkerleriniń kásiplik iskerligi úlken húrmetke ılayıq.
Xalqımızdıń abadanlıǵı jolında Qaraqalpaqstan medicina institutı jámááti de ilim, bilimlendiriw, klinikalıq ámeliyat hám xalıqaralıq birge islesiw baǵdarlarında sezilerli jetiskenliklerge erispekte.
Ásirese, medicinalıq bilimlendiriw tarawında jumıs alıp barıp atırǵan professor-oqıtıwshılar hám ilimiy xızmetkerlerdiń miyneti ayırıqsha itibarǵa múnásip. Sebebi, búgingi bilimli hám maman qánigeler erteńgi kúnniń pidayı shıpakerleri bolıp, olardıń kásiplik qáliplesiwinde sizlerdiń bilim hám tájiriybeńiz áhmiyetli orın iyeleydi.
Pursattan paydalanıp, barlıq medicina tarawı wákillerine bekkem densawlıq, shańaraǵıńızǵa tınıshlıq, juwapkershilikli jumısıńızda úlken tabıslar hám maqtanıshlı miynetińizde kúsh-ǵayrat tileymen. Xalıq salamatlıǵı jolındaǵı iygilikli islerińiz dawamlı bolsın!
Bayramıńız múbárek bolsın!
Húrmet penen,
Qaraqalpaqstan medicina institutı rektorı
Olimbay Xalimov