KITAPXANLÍQ

06.11.2026

👁 8 marta ko‘rilgan

Qaraqalpaqstan medicina institutında professor-oqıtıwshılar hám xızmetkerler arasında kitapxanlıq mádeniyatın jáne de rawajlandırıw, kitap oqıw arqalı ilimiy hám ruwxıy potencialdı arttırıw maqsetinde «Kitapxan múyeshi» iskerligi jolǵa qoyılǵan.

Bul «Kitapxan múyeshi» hár qıylı baǵdardaǵı ilimiy, kórkem hám ǵalabalıq ádebiyatlar menen bayıtılıp, kitap súyer oqıwshılar ushın qolaylı sharayat jaratıldı. Bul óz gezeginde xızmetkerlerdiń bos waqtın mazmunlı shólkemlestiriw, bilimi hám dúnyaǵa kózqarasın jáne de keńeytiwge xızmet etpekte.

Sonday-aq, institutta dástúrge aylanǵan «Kitap oqıw saatı» turaqlı túrde ótkerilip kelmekte. Náwbettegi ilaj sheńberinde professor-oqıtıwshılar hám xızmetkerlerdiń qatnasıwında kitap oqıw shólkemlestirilip, oqılǵan shıǵarmalar boyınsha pikir-múlákler bildirildi.

PHP Code Snippets Powered By : XYZScripts.com