“Biz korrupciyaǵa qarsımız” – hadallıq hám ádillik tárepke qatań qádem
23.02.2026 Поделиться2026-jıl 23-fevral kúni Qaraqalpaqstan medicina institutında “Biz korrupciyaǵa qarsımız” atamasında áhmiyetli ushırasıw shólkemlestirildi. Ilajda mámleketimizde korrupciyaǵa qarsı alıp barılıp atırǵan izbe-iz siyasat, Húrmetli Prezidentimizdiń bul illetke qarsı qatań hám ayawsız poziciyası keńnen sáwlelendirildi.
Ushırasıwdı instituttıń Komplayens qadaǵalaw sisteması basqarıw bólimi baslıǵı Qadirbay Jamalov ashıp berdi.
Ilajda QR hakimshilik sudınıń sudyası Raxima Xudaybergenova hám Nókis rayonlar aralıq hákimshilik sudınıń baslıǵı Ruslan Jumabaev, Qaraqalpaqstan Respublikası prokuraturası janındaǵı Nuranıylar jámiyetiniń baslıǵı Muratbay Nuratdinov qatnasıp, jaslar menen ashıq hám qızǵın pikirlesti.
Sáwbetlesiw dawamında jaslardıń huqıqıy sanasın arttırıw, jınayat jolına túsip qalmaw, hadallıq hám hújdan principlerine sadıq qalıw máseleleri hár tárepleme dodalandı. Qánigeler tárepinen jámiyette durıs jol tutıw, juwapkershilikli qarar qabıl etiw hám korrupciyaǵa ayawsız poziciyada bolıw zárúr ekenligi atap ótildi.
Studentler ózlerin qızıqtırǵan sorawlarǵa juwap alıp, ádalatlı jámiyet qurıwda hár bir puqaranıń belsendi poziciyası áhmiyetli ekenligin ańlap jetti.




