Búgin Qaraqalpaqstan medicina institutı Stomatologiya kafedrası assistentleri hám Tashkent…
30.03.2026 ПоделитьсяBúgin Qaraqalpaqstan medicina institutı Stomatologiya kafedrası assistentleri hám Tashkent mámleketlik medicina universiteti dekanı Gulyamov Surat Avduvalievichtiń qatnasıwında áhmiyetli ushırasıw bolıp ótti.
Bul ushırasıw ilimiy hám ámeliy birge islesiwdi rawajlandırıwǵa qaratılǵan bolıp, onda stomatologiya tarawındaǵı áhmiyetli máseleler, zamanagóy emlew usılları, bilimlendiriwdiń sapasın arttırıw hám ilimiy izleniwlerdi keńeytiw máseleleri dodalandı.
Ushırasıw dawamında qatnasıwshılar tárepinen qızıqlı hám áhmiyetli ilimiy sorawlar kóterildi, olardıń hár tárepleme analizi alıp barıldı hám tájiriybe almasıw ámelge asırıldı. Ásirese, jas qánigelerdiń ilimiy potencialın arttırıw, innovaciyalıq texnologiyalardı engiziw hám xalıqaralıq standartlarǵa sáykes kadrlar tayarlaw máselelerine ayrıqsha itibar qaratıldı.
Sonday-aq, keleshektegi birge islesiw baǵdarları — birgeliktegi ilimiy joybarlar, seminar hám konferenciyalar shólkemlestiriw, professor-oqıtıwshılar hám studentler almasıwı sıyaqlı perspektivalı rejeler dodalandı.
Bul ushırasıw eki joqarı bilimlendiriw mákemesi arasındaǵı birge islesiwdi jáne de bekkemlew, stomatologiya tarawında ilim hám ámeliyattı úylestiriw jolında áhmiyetli qádem boldı.



