Qaraqalpaqstan medicina institutı

Ózbekstan jaslar awqamı Qaraqalpaqstan medicina institutı baslanǵısh shólkemi

Djangabayev Mirzamuxammed Polatbaevich

Ózbekistan jaslar awqamı Qaraqalpaqstan medicina institutı baslanǵısh shólkeminiń jetekshisi

*Qabıllaw waqtı:*	Dúyshembi – Shembi 15:00 den 18:00 ge shekem
Tel:	(+99861) 222-84-97
*Fax:*	(+99861) 222-84-36
*E-mail:*	nukusmed@mail.ru
Mánzil:	Nókis qalası, A.Dosnazarov kóshesi 108-jay

Jaslar awqamınıń maqset hám wazıypaları

Ózbekistan jaslar awqamı fizikalıq salamat, ruwxıy jetik hám intellektuallıq rawajlanǵan, erkin pikirleytuǵın jas áwladtı qáliplestiriw, jaslardı sırtqı qáwip-qáterler hám “ǵalabalıq mádeniyat”tıń zıyanlı tásirinen qorǵaw, jaslardıń huqıqları menen nızamlı máplerin qorǵawǵa hár tárepleme járdemlesiw hám sharayatlardı jaratıw maqsetinde fizikalıq tárepler tárepinen awqam shólkemlestiriw-huqıqıy túrinde dúzilgen, Ózbekistan jasların birlestiretuǵın mámleketlik emes kommerciyalıq emes shólkem bolıp esaplanadı.

Awqamnıń tiykarǵı maqseti jaslardı mámlekette ámelge asırılıp atırǵan demokratiyalıq, siyasiy hám ekonomikalıq reformalardı jáne de tereńlestiriw, jámiette tınıshlıq hám awızbirshilikti bekkemlew, Ózbekstandı dúnyanıń rawajlanǵan mámleketleri qatarına kiriw processlerine tartıw jáne jas áwladtıń huqıqları, erkinlikleri hám nızamlı máplerin nátiyjeli qorǵawdı támiyinlew, jigit-qızlardıń ruwxıy hám kásiplik dárejesin arttırıw, olardıń intellektuallıq hám dóretiwshilik potencialın júzege shıǵarıwǵa járdemlesiwden ibarat.

Awqamnıń tiykarǵı wazıypaları tómendegilerden ibarat:

bárkamal, erkin pikirleytuǵın, óziniń turmıslıq poziciyası hám isenimine ie, jámietlik turmısta múnásip orın ielew, mámleketti reformalaw, jańalaw processlerinde sheshiwshi kúsh hám súenish bola alatuǵın jaslardı qáliplestiriw, olardıń siyasiy mádeniyatı, huqıqıy sawatlılıǵı hám huqıqıy sanasın arttırıw;
jaslardı, ásirese jámlespegen jaslardı ruwxıy-ádep-ikramlılıq jaqtan hám áskeriy watansúyiwshilik ruwxında tárbiyalaw, olarda tariyxıy yad, milliy maqtanısh hám ózlikti ańlaw, júz berip atırǵan waqıyalarǵa baylanıslılıq, milliy hám ulıwma insanıylıq qádiriyatlarǵa húrmet sezimlerin qáliplestiriw;
jaslardıń huqıqları menen nızamlı máplerin qorǵaw, olardıń zamanagóy kásiplerdi ielewge bolǵan umtılısın qollap-quwatlaw, isbilermenlik jumısına tartıw;
qábiletli jaslardı qollap-quwatlaw, olardıń óz dóretiwshilik hám intellektuallıq potencialın júzege shıǵarıwı ushın sharayatlar jaratıw jáne ilimiy jumısqa tartıw;
jaslar, atap aytqanda, jámlespegen jaslar arasında salamat turmıs tárizi, ekologiyalıq mádeniyattı qáliplestiriw, olardı denetárbiya hám sport penen turaqlı shuǵıllanıwǵa keńnen tartıw;
jaslardı, ásirese jámlespegen jaslardı diniy-ekstremistlik hám basqa da buzǵınshı shólkemlerdiń tásirinen, shetten “ǵalabalıq mádeniyat” nıqabı astında kirip kiyatırǵan unamsız tásir hám qáwiplerden qorǵaw, jaslar arasında huqıqbuzarlıq hám jınayachılıqtıń profilaktikası hám aldın alıwǵa járdemlesiw hám basqalar.

Awqamǵa yuridikalıq hám fizikalıq shaxslar Ustavta belgilengen tártipke tiykarlanıp aǵza bolıwı múmkin. YAǵnıy, Awqamnıń maqsetin qollap-quwatlaw tilegin bildirgen, 14 jasqa tolǵan hám 30 jastan aspaǵan Ózbekstan Respublikasınıń puqaraları hám Ózbekstan Respublikasında turaqlı jasap atırǵan puqaralıǵı bolmaǵan fizikalıq shaxslar Awqamnıń aǵzası bolıwı múmkin.
Sonıń menen birge, jaslar tarawındaǵı mámleketlik emes kommerciyalıq emes shólkemler hám jaslar tarawına tiyisli kárxana, mákeme hám shólkemler jáne shólkemlestiriw hújjetleri Awqamnıń Ustav maqsetleri, wazıypaları hám baǵdarlamalıq hújjetlerine qayshı bolmaǵan basqa da yuridikalıq shaxslar da Awqamǵa aǵza bolıwı múmkin.

ÓZBEKSTAN JASLAR AWQAMI QARAQALPAQSTAN MEDICINA INSTITUTINIŃ BASLANǴISH SHÓLKEMI JASLAR KEŃESI