Davolash ishi – 60910200 (kunduzgi) – 6 yil
Emlew isi
“Emlew isi” bilimlendiriw baǵdarlamasınıń missiyası – Aralboyı regionı ushın densawlıqtı saqlaw tarawında “Emlew isi” qánigelikleri boyınsha joqarı mamanlıqtaǵı kadrlardı tayarlaw hám tárbiyalaw, region xalqına kórsetilip atırǵan medicinalıq xızmetlerdiń sapasın hám qamtıp alıwın arttırıw, medicinalıq ámeliyattıń bilimlendiriw hám ilim menen óz-ara bekkem integraciyasın támiyinlew, emlew-diagnostika procesine aldınǵı jetiskenlikler hám innovaciyalardı engiziw.
Qaraw: studenttiń dóretiwshilik potencialın ashıp beretuǵın, medicinalıq ortalıqta ámeliy bilim hám kónlikpelerdi rawajlandıratuǵın, dúnya ózgerislerine beyimlesiw, miynet bazarında talapshań hám básekige shıdamlı bolıw imkaniyatın beretuǵın bárkamal shaxstı tárbiyalawǵa qaratılǵan fakultet.
Qádiriyatları :
Studentler: mámleketimiz keleshegi
Jetekshilik: turaqlı rawajlanıwdı hám aldınǵa háreket etiwdi qálewi
Social juwapkershilik: jámiyet párawanlıǵına tásir etiwshi qayırqomlıq jáne social joybarlarda qatnasıw
Izertlew hám tálim erkinligi: jańa ideyalarǵa, ózgerislerge, sheriklikke, oqıtıw hám izertlewde jańa formatlar hám texnologiyalarǵa ashıqlıq
Akademikalıq erkinlik: biz maǵlıwmat almaslaw, tańlaw, óz ideyalarımızdı islep shıǵıw hám óz háreketlerimizdi belgilewde erkinbiz.
Maqset: fakultettiń barlıq jumıs sapasın arttırıw, densawlıqtı saqlaw sisteması talaplarına hám jámiettegi zamanagóy tendenciyalarǵa sáykes joqarı mamanlıqtaǵı hám básekige shıdamlı medicina kadrların tayarlaw menen ajıralıp turatuǵın fakultetke aylanıw.