JASLARDÍ SHAŃARAQLÍQ TURMÍSQA TAYARLAW — BEKKEM SHAŃARAQ TIYKARÍ
07.11.2026 Поделиться6-noyabr kúni Qaraqalpaqstan medicina institutınıń hayal-qızlar máseleleri boyınsha rektor másláháchisi Z. Erimbetova hám Kegeyli rayonı hákiminiń orınbasarı, Shańaraq hám hayal-qızlar bólimi baslıǵı G. Xojambergenovanıń qatnasıwında Kegeyli rayonı Shańaraq hám hayal-qızlar orayında máhálle belsendileri menen ushırasıw shólkemlestirildi.
Ilajdıń tiykarǵı teması jaslardı shańaraqlıq turmısqa tayarlaw, olarda shańaraqlıq qatnasıqlarǵa juwapkershilik penen qaraw, salamat hám bekkem shańaraq qurıw kónlikpelerin qáliplestiriw máselelerine qaratıldı.
Ushırasıw dawamında 257-sanlı Húkimet qararınıń mazmun-mánisi, jaslardı shańaraqqa tayarlaw orınlarında jaslarǵa úyretiletuǵın bilim hám kónlikpeler, shańaraqlıq qatnasıqlar psixologiyası hámde perzent tárbiyasında ata-ananıń juwapkershiligi boyınsha tolıq túsindirmeler berildi.



