NÁWBETTEGI DÓRETIWSHILIK BASLAMA: SHÍǴARMALAR TAŃLAWÍ
06.11.2026 ПоделитьсяQaraqalpaqstan medicina institutında student-jaslar arasında náshebentliktiń aldın alıw, salamat turmıs tárizin úgit-násiyatlawǵa qaratılǵan ruwxıy-aǵartıwshılıq ilajlar izbe-iz dawam ettirilmekte.
Náwbettegi ilaj da usı baǵdardaǵı úgit-násiyat jumısları sheńberinde «Biz náshebentlikke qarsımız!» uranı astında ótkerilgen shıǵarmalar tańlawı boldı.
Tańlawda qatnasıwshılar náshebentliktiń insan salamatlıǵına, ómirine hám jámiyet keleshegine jetkeretuǵın zıyanlı aqıbetlerin óz dóretiwshilik jumısları arqalı sáwlelendirip berdi.
Studentlerdiń shıǵarmalarında jas áwladtıń náshebentlikke qarata mawasasız múnásibeti, salamat turmıs principlerine sadıqlıǵı hámde jámiyet aldındaǵı puqaralıq juwapkershiligi sáwlelendi.


