Qaraqalpaqstan medicina institutı sport zalında 20-fevral kúni “Studentler ligası” sheńberinde…
21.02.2026 ПоделитьсяQaraqalpaqstan medicina institutı sport zalında 20-fevral kúni “Studentler ligası” sheńberinde student qızlarımız arasında voleybol boyınsha jarıs bolıp ótti.
Jarıstıń ashılıw máresiminde QMI sport klubı baslıǵınıń orınbasarı T.Utepbergenov, fakultet dekan orınbasarları, tyutorlar qatnasıp, jas sportshılarǵa áwmet hám tabıslar tiledi. Bul bolsa jarıslarǵa jáne de saltanatlılıq hám juwapkershilik baǵıshladı.
Jarıs joqarı sport ruwxı hám salamat báseki ortalıǵında shólkemlestirildi. Studentler óz sheberligin, tezligin hám jámáátlik awızbirshiligin kórsetip, tamashagóylerge qızıqlı oyınlardı usındı.
“Studentler ligası” jaslar arasında salamat turmıs tárizin úgit-násiyatlaw, jámiyetshilikti bekkemlew hám qábiletli sportshılardı qollap-quwatlawǵa xızmet etpekte.
Jarıs juwmaǵı nátiyjeleri:
1-orın: Medicina komandası
2-orın: Stom ball komandası
3-orın: 910-Emlew isi komandası
Barlıq qatnasıwshılarǵa minnetdarshılıq bildiremiz hám komandalarǵa áwmet tileymiz!





