Qaraqalpaqstan medicina institutında “Abaylı bolıń, aldawshı!” atamasında úgit-násiyat ilajı ótkerildi
27.02.2026 ПоделитьсяQaraqalpaqstan medicina institutında “Abaylı bolıń, aldawshı!” atamasında xalıq, ásirese, jaslar arasında aldawshılıq jınayatlarınıń aldın alıw, olardıń túrleri, júz beriw usılları haqqında túsinik beriw hám puqaralardıń huqıqıy xabardarlıǵın arttırıwǵa qaratılǵan úgit-násiyat ilajı shólkemlestirildi.
Ilajdı institut profilaktika inspektorı, podpolkovnik Tursınay Karimbaeva ashıp berip, búgingi kúnde aldawshılıq jınayatlarınıń, ásirese, málimleme texnologiyaları arqalı júz berip atırǵan túrleriniń artıp baratırǵanlıǵı hám bul baǵdarda sergeklikti asırıw úlken áhmiyetke iye ekenligin ayrıqsha atap ótti.
Ilajda Oliy Majlis Nızamshılıq palatasındaǵı “Adolat” SDP frakciyasınıń aǵzası Nodira Rashidova, partiyanıń Qaraqalpaqstan Respublikası Keńesi baslıǵınıń orınbasarı Sharipa Toreshova, Qaraqalpaqstan Respublikası Ishki isler ministrligi Málimleme texnologiyaları tarawındaǵı jınayatlarǵa qarsı gúresiw basqarmasınıń qánigesi, kapitan Shuxrat Uzaqbergenov hám Qaraqalpaqstan Respublikası Ádillik ministrligi sektor baslıǵı Nuriya Berdiniyazova qatnastı.
Shıǵıp sóylegenler tárepinen aldawshılar tárepinen qollanılıp atırǵan hár qıylı usıllar, atap aytqanda, telefon hám internet arqalı ámelge asırılıp atırǵan jınayatlar, olardıń aldın alıw ilajlarına tolıq toqtap ótildi. Sonday-aq, puqaralarǵa jeke maǵlıwmatlardı biytanıs adamlarǵa bermew, gúmanlı qońıraw hám xabarlarǵa isenbew hám nızamlı sharalar kóriw boyınsha zárúr usınıslar berildi.
Ilaj juwmaǵında qatnasıwshılar ózlerin qızıqtırǵan sorawlarǵa qánigeler tárepinen tolıq juwaplar aldı.





