Ózbekstan Respublikasınıń Mámleketlik Bayraǵı
“Ózbekstan Respublikası Mámleket bayraǵı haqqında” ǵı nızam 1991 jıl 18-noyabrde Ózbekstan Respublikası Oliy Májlisiniń náwbetten tısqarı ótkerilgen VII sessiyasında qabıl etilgen.
Mámleket bayraǵına jáne onıń ramzi búgingi Ózbekstan shegaraında áyyemginde bar bolǵan mámleketler menen tariyxan baylanıslılıǵın ańlatadı hám de Respublikanıń milliy-mádeniy dástúrlerin ózinde sáwlelendiredi.
Bayraqtaǵı kók reń tirilik mazmunı sawlelengen máńgi aspan hám tabiyat ramzi. Tımsallar tilinde bul – jaqsılıqtı, oyshıllıqtı, hadallıqtı, dańq hám húrmet hám sadıqlıqtı ańlatadı. Sonlıqtan, Ámir Temur mámleketi bayraǵınıń reńi de kók reńde edi.
Bayraqtaǵı aq reń – múqaddes tınıshlıq ramzi bolıp, ol kún jaqtılandırǵanlıǵı hám kosmos jaqtırtqıshları menen uyqaslasıp ketedi. Aq reń – páklik, saplıqtı, árman hám qıyallar tazalıǵı, ishki gózzallıqqa umtılıwdıń tımsalı.
Jasıl reń – tábiyattıń jańalanıw ramzi. Ol kóplegen xalıqlarda nawqıranlıq, úmit hám shadlıq tımsalı esaplanadı.
Qızıl sızıqlar – denemizde burqıp aǵıp turǵan turmıslıq qudiret irmaqların ańlatadı.
Nawqıran yarım ay suwreti biziń tariyxıy dástúrlerinemiz menen baylanıslı. Usı waqıtta ol qolǵa kiritilgen ǵárezsizligimiz ramzi.
Juldızlar barlıq ushın ruwxanıy, ilahiy tımsal sanalgan. Ózbekstan Respublikası Mámleket bayraǵinadaǵı 12 juldız suwreti de tariyxıy dástúrlerimiz, áyyemgi jılnamamızǵa tikkeley baylanıslı. Biziń on eki juldızǵa bolǵan itibarımız Ózbekstan shegaraındaǵı áyyemgi mámleketler ilimiy oylawında astrologiya ilmi taraqqiy etkenligi menen de baylanıslı.
Mámleket bayraǵinamızdaǵı 12 juldız suwretin ózbek xalqı mádeniyatınıń áyyemgiligi, onıń kámallıqqa, óz topıraǵında saodatqa umtılıwı ramzi retinde túsiniw kerek.