Jańalıqlar

Student hám ustazlardıń pikiri – bilimlendiriw sapasın arttırıwdıń áhmiyetli faktorı

23.01.2026

👁 6 marta ko‘rilgan

Aldın, xabar bergenimizdey, Ózbekstan Respublikası Prezidenti Administraciyası janındaǵı Bilimlendiriwdiń sapasın támiyinlew milliy agentligi tárepinen respublika kóleminde joqarı oqıw orınlarınıń studentleri hám professor-oqıtıwshıların qamtıp alǵan ulıwma milliy sorawnama ótkerildi.

Bul sorawnama Ózbekstan Respublikası Prezidentiniń 2025-jıl 5-maydaǵı PP-76-sanlı Pármanınıń orınlanıwın támiyinlew, sonday-aq, joqarı bilimlendiriw sistemasında bilimlendiriw sapası kórsetkishlerin real jaǵday tiykarında bahalawǵa qaratılǵan.

Sorawnama studentler hám professor-oqıtıwshılar ushın óz aldına islep shıǵılıp, onda:
• oqıw rejeleri hám pán baǵdarlamalarınıń zaman talaplarına sáykesligi,
• ilimiy-pedagogikalıq jumıs ushın jaratılǵan sharayatlar,
• tájiriybe arttırıw sisteması,
• bilimlendiriwdiń sapasın jáne de arttırıwǵa baylanıslı usınıslar hár tárepleme úyrenildi.

Sorawnama ashıq-aydınlıq hám qalıslıq principleri tiykarında, qatnasıwshılardıń pikirleri erkin hám anonim tárizde jıynaldı.

Ulıwma milliy sorawnama student hám professor-oqıtıwshılardıń pikirin tiykarǵı ólshem sıpatında tán alıw, olardıń bilimlendiriw procesindegi belsendiligin arttırıw hám zamanagóy, básekige shıdamlı kadrlar tayarlawǵa xızmet etetuǵın áhmiyetli mexanizm bolıp esaplanadı.

QMI Baspasóz xızmeti

PHP Code Snippets Powered By : XYZScripts.com