SHAŃARAQ – JÁMIYET TIREGI
26.05.2026 Поделиться➤ Qaraqalpaqstan medicina institutında “15-may – Xalıqaralıq shańaraq kúni” múnásibeti menen “Úlgili shańaraq qızları” atamasında ushırasıw shólkemlestirildi.
➤ Ilaj instituttıń Hayal-qızlar máseleleri boyınsha másláhát keńesiniń baslaması menen ótkerilip, onda belsendi, qábiletli student-qızlar hám olardıń anaları qatnastı.
➤ Ushırasıw dawamında shańaraqlıq dástúrlerdi qásterlep saqlaw, jas áwladtı milliy úrp-ádet hám mádeniy miyras ruwxında tárbiyalaw, jámiyette úlgili shańaraqlardıń tájiriybesin keńnen úgit-násiyatlaw máselelerine ayrıqsha itibar qaratıldı.
➤ Sonday-aq, ilajda Qaraqalpaqstan medicina institutında hayal-qızlar máseleleri boyınsha rektor másláhátshisi Z.Erimbetova qatnasıp, shańaraqtıń muqaddesligi, perzent tárbiyasında ata-ananıń juwapkershiligi hám ruwxıy ortalıqtıń áhmieti haqqında pikir bildirdi.
➤ Ilaj sońında belsendi student qızlar hám olardıń analarına institut tárepinen tayarlanǵan minnetdarshılıq jarlıqları tapsırıldı.








