“ÚGIT-NÁSIYAT POEZDI” – JASLAR MENEN HUQIQIY SAWATXANLIQ USHIRASIWI
30.04.2026 ПоделитьсяÓzbekstan Respublikası Ádillik ministrligi menen birgelikte Tashkent mámleketlik yuridikalıq universitetiniń professor-oqıtıwshıları hám student-jaslarınan ibarat “Úgit-násiyat poezdi” Qaraqalpaqstan medicina institutında bolıp, student-jaslar menen ushırasıw ótkerdi.
Ilajdı instituttıń Jaslar máseleleri hám ruwxıy-aǵartıwshılıq isleri boyınsha birinshi prorektorı Z.Aleuov ashıp berdi hám alıp bardı.
Sonday-aq, ilajda Qaraqalpaqstan Respublikası Ádillik ministriniń birinshi orınbasarı A.Prenov qatnasıp, jaslarǵa huqıqıy sawatlılıq, internetten durıs paydalanıw hám qáwipsizlik qaǵıydaları boyınsha kórsetpeler berdi.
Ushırasıw dawamında Tashkent mámleketlik yuridikalıq universiteti wákilleri tárepinen kiberjınayatlardıń túrleri, olardıń aldın alıw ilajları hám internettegi qáwipli jaǵdaylar haqqında maǵlıwmatlar berildi.
Ekinshi bólimde interaktiv soraw-juwap shólkemlestirilip, studentler ózlerin qızıqtırǵan sorawlarǵa tolıq juwap aldı.









